Logohu

Ke harruar fjalëkalimin?
Nuk keni llogari ?

Ndiqni hapat dhe bëhuni anëtar sot

Krijo llogari
+355 67 733 3777

MEBHIDROLINE 50 MG - 30 TABLETA

 
 
Mebhidrolinë është një bar antialergjik që përdoret për lehtësimin e kruarjeve, reaksioneve alergjike nga barnat, pickimet e insekteve, bllokimit ose rrjedhjes së hundëve dhe djegies së syve. Trajton gjithashtu reaksionet alergjike nga barnat dhe ushqimi.
Përshkrimi i produktit
Mebhidrolina përmban Napadisilat Mebhidrolinë që është një bar antihistaminik. Lehtëson simptomat e reaksioneve alergjike si urtikaria, pruriti, riniti dhe konjuktiviti. Trajton gjithashtu dhe simptomat e alergjisë nga barnat dhe ushqimet.
Indikacione
Indikohet për trajtimin e:
  • Reaksioneve të mbindjeshmërisë si urtikaria, pruriti, ekzema, kruarjen dhe skuqjen.
  • Simptomave të reaksioneve alergjike nga barnat dhe ushqimet 
  • Astmës alergjike
  • Rinitit alergjik, pickimet nga insektet
  • Konjuktivititit alergjik dhe dermatitit me origjinë ushqimore.
Udhëzime për përdorim
Gjithmonë lexojeni fletëudhëzuesin ose këshillohuni me mjekun ose farmacistin përpara përdorimit.
  • Të rriturit dhe fëmijët mbi 10 vjeç: 100-300 mg në ditë në doza të ndara. 
  •  Fëmijët me moshë 2-5 vjeç: 50-150 mg në ditë.
  •  Fëmijët me moshë 2 vjeç: 50-100 mg në ditë.
Paralajmërime
MOS e merrni Mebhidrolinën nëse:
  • Jeni alergjik nga Napadisilati i Mebhidrolinës ose nga përbërësve të tjerë të barit.
  • Vuani nga ulcera duodenale ose gastrike.
  • Vuani nga infeksionet gastrike.
  • Vuani nga porfiria.
MOS ia jepni Mebhidrolinën të sapolindurëve ose foshnjave.
MOS drejtoni automjetin ose përdorni pajisje pas marrjes së Mebhidrolinës.
 
Kujdes:
Këshillohuni me mjekun nëse:
  • Jeni shtatzënë ose po planifikoni të mbeteni shtatzënë.
  • Po ushqeheni me gji.
  • Keni glaukomë.
  • Keni histori të astmës bronkiale.
  • Keni hipertiroidizëm. 
  • Keni insufiçencë renale ose hepatike.
  • Jeni i moshuar.
  • Keni hipotension të rënduar. 
  • Po mjekoheni me antidepresivë ose po pini alkool.
  • Vuani nga epilepsia.
  • Keni hiperplazi të prostatës.
  • Po merrni barna të tjerë.
Informacione të tjera
Ruajeni në një vend të freskët (<25°C) dhe të thatë. Mbajeni larg dritës dhe burimeve të nxehtësisë
Përbërësit
Përbërësi aktiv: Napadisilat Mebhidrolinë
Përbërësit e tjerë: Amidon, Monohidrat laktoze, Xhelatinë, Stearat magnezi, Povidon, Karbonat kalciumi, Dioksid titani, sukrozë, Portokalli Opalux, E verdhë Opalux, E bardhë Opalux 6000.
Nuk ka sasi të mjaftueshme në magazinë.
Sasia e kërkuar për blerje e tejkalon sasinë e disponueshme në magazinë.