NUROFEN 100 MG/ 5 ML - 150 ML

NUROFEN 100 MG/ 5 ML - 150 ML

Nurofen shurup me shije portokalli përdoret për lehtësimin e dhimbjes dhe ul temperaturën. Gjithashtu trajton simptomat e të ftohurës dhe gripit. Nurofen shurup mund të përdoret në foshnjat mbi 3 muaj, fëmijët dhe të rriturit.

Specifikime

Përshkrimi i produktit	Nurofen shurup me përmbajtje ibuprofeni është shurup për përdorim në foshnja mbi 3 muajsh, fëmijë dhe të rritur. Ibuprofen është një bar antiinflamator që lehtëson dhimbjen si dhimbja e dhëmbit, dalja e dhëmbëve, dhimbja e kokës, dhimbja e veshit etj dhe ul temperaturën. Lufton gjithashtu simptomat e të ftohurës dhe gripit.
Indikacione	Nurofen shurup përdoret për: Lehtësimin nga dhimbja e daljes së dhëmbëve, dhimbje dhëmbi, dhimbje koke, dhimbje të vogla muskulare dhe tërheqje muskulare, dhimbje fyti. Lehtësimin e simptomave të të ftohurës dhe gripit. Uljen e temperaturës së lartë.
Udhëzime për përdorim	Gjithmonë lexoni fletëudhëzuesin ose këshillohuni me doktorin ose farmacistin tuaj përpara përdorimit. Gjithmonë tundeni shishen përpara përdorimit. Për të hequr kapakun, shtyjeni dhe rrotullojeni në drejtimin anti-orar. Dozimi: Foshnjat nga 3 deri në 6 muajsh që peshojnë mbi 5 kg – Një dozë prej 2.5 ml 3 herë në 24 orë. Foshnjat nga 6 deri në 12 muajsh-Një dozë 2.5 ml 3 herë në 24 orë. Fëmijët nga 1 deri në 3 vjeç-Një dozë prej 5 ml 3 herë në 24 orë. Fëmijët nga 4 deri në 6 vjeç-Një dozë 7.5 ml (5ml + 2.5 ml) 3 herë në 24 orë. Fëmijët nga 7 deri në 9 vjeç-Një dozë prej 10 ml ( 5ml +5 ml) 3 herë në 24 orë. Fëmijët nga 10 deri në 12 vjeç-Një dozë prej 15 ml 3 herë në 24 orë. Dozat duhet të jepen çdo 6-8 orë.
Paralajmërime	MOS e jepni ketë bar fëmijës tuaj nëse: Vuan nga mbindjeshmëria ndaj njërit prej përbërësve të barit. Ka patur një reaksion (p.sh astmë, hundë që rrjedhin, skuqje, enjtje të fytyrës, gjuhës, buzëve, fytit ose gjakrrjedhje të stomakut) pas trajtimit me ibuprofen, aspirinë ose barna të tjerë anti inflamatorë jo steroidë (AIJS). Peshon më pak se 5 kg osë është nën 3 muaj. Po trajtohet me barna të tjerë kundër dhimbjes (AIJS) ose aspirinë. Ka (ose kanë patur raste të) ulçerë stomaku, perforacion ose hemorragji. Ka insuficencë të rëndë të veshkave, zemrës ose mëlçisë. Ka trashëguar probleme me fruktozën/sheqerin e frutave (intolerancë ndaj fruktozës). MOS e merrni Nurofen nëse jeni në tremujorin e fundit të shtatzanisë. Kujdes: Flisni me doktorin ose farmacistin tuaj nëse: Fëmija juaj ka ose ka patur tension të lartë të gjakut, probleme me zemrën ose goditje në tru. Fëmija juaj ka diabet ose kolesterol të lartë. Fëmija juaj vuan nga probleme me hemorragji në rritje ose hemorragji në tru. Fëmija juaj ka astmë ose ndonjë sëmundje tjetër alergjike të mushkërive. Fëmija juaj ka ose ka patur probleme me mëlçinë, veshkat ose stomakun Fëmija juaj ka SLE (Lupus eritematoz sistemik, një sëmundje e sistemit imunitar), dermatit, sindromën Steve-Johnson ose sëmundje të ngjashme. Fëmija juaj vuan nga sëmundje kronike të zorrës si sëmundja Chron ose koliti ulceroz. Ju ose fëmija juaj po trajtohet me barna të tjerë. Fëmija juaj është 3-5 muajsh dhe simptomat përkeqësohen ose simptomat zgjasin më shumë se 24 orë. Kur nevojitet që foshnjat nga 6 muajsh dhe adoleshentët të trajtohen me këtë bar me më shumë se 3 ditë ose kur simptomat përkeqësohen. Jeni në 6 mujorin e parë të shtatzënisë. Jeni i moshuar.
Informacione të tjera	Mbajeni larg fëmijëve. Mos e përdorni këtë bar pas datës së skadencës që është shënuar në shishe ose në paketim. Data e skadencës i referohet ditës së fundit të muajit. Ky bar nuk kërkon kushte të veçanta ruajtjeje.
Përbërësit	Lënda aktive është ibuprofen. Çdo 5 ml e pezullisë përmban 100 mg ibuprofen. Përmban gjithashtu: Shurup maltitoli, Acid citriK, Citrat natriumi, Klorur natriumi, Sakarin natriumi, Bromur domifen, Polisorbat 80, Gomë ksantan, Shije portokalli, Glicerol (E422) dhe Ujë i Purifikuar.