DALERON 120 MG/5 ML SHURUP - 100 ML

Shurupi Daleron përmban si lëndë vepruese Paracetamol i cili mund të përdoret tek foshnjat dhe fëmijët për trajtimin e dhimbjeve të lehta/mesatare që shoqërojnë daljen e dhëmbëve, dhimbje koke, ftohje dhe grip. Shurupi nuk përmbaj sheqer të shtuar. Është i formuluar si shurup me shije ananasi duke e bërë të pëlqyeshme për fëmijët.

Specifikime

Përshkrimi i produktit

Daleron shurup përmban paracetamol i cili vepron duke penguar sintezën e prostaglandinave në sistemin nervor qendror dhe kështu lehtëson dhimbjen dhe ul temperaturën. Është i formuluar si shurup me shije ananasi duke e bërë të pëlqyeshme të përdoret për fëmijët. Ul gjithashtu temperaturën nga vaksinimi.

Indikacione

Indikohet:

Tek fëmijët dhe foshnjat mbi 5 kg (mbi 3 muaj) për të ulur temperaturën dhe për të reduktuar dhimbjet e lehta, të tilla si ftohje, dhimbjet e kokës, dhimbjet e dhëmbëve, dhimbjet e muskujve dhe të kyçeve.
Tek bebet që kanë ethe pas vaksinimit.

Udhëzime për përdorim

Gjithmonë merrni Daleron saktësisht siç udhëzohet në fletëudhëzues ose pyesni mjekun ose farmacistin tuaj nëse nuk jeni i sigurt se si ta merrni këtë bar.
Tundeni shishen mirë përpara përdorimit.

Dozimi

Doza e rekomanduar për fëmijët është 10-15 mg paracetamol/kg peshë trupore.

Për të matur sasinë e duhur të shurupit, brënda paketimit gjendet një shiringë dozuese e graduar në mililitra.

Mosha	Doza e vetme
Deri në 3 muaj	40 mg (1.7ml)
4 - 11 muaj	80 mg (3.3 ml)
1 - 2 vjeç	120 mg (5 ml)
3 - 6 vjeç	180 - 240 mg (7.5 - 10 ml)
7 - 10 vjeç	240 - 360 mg (10 - 15 ml)
11 - 12 vjeç	480 mg (20 ml)

Mos merrni një dozë të dyfishtë për të kompensuar një dozë të harruar.

Kohëzgjatja e administrimit:

• Doza e vetme mund të përsëritet pas 4 - 6 orësh, maksimumi deri në 4 doza në ditë.

• Mos e përdorni shurupin Daleron më shumë se 5 ditë rresht për dhimbjen dhe 3 ditë për temperaturën.

Paralajmërime

MOS e përdorni këtë produkt:

Nëse fëmija juaj është alergjik ndaj paracetamolit ose prej përbërësve të tjerë të këtij bari.
Nëse fëmija juaj ka dëmtime të rënda të veshkave ose mëlçisë.
Nëse fëmija juaj vuan nga mungesa e glukozë-6-fosfat dehidrogjenazës (G6PD).
Nëse fëmija juaj po merr ndonjë produkt tjetër që përmban paracetamol, produkte për grip, ftohje, kollë ose dekongjestant, ose alkool.
Nëse fëmija juaj vuan nga një çrregullim i rrallë metabolik i trashëguar që shkakton intolerancë.

Kujdes:

Flisni me mjekun ose farmacistin tuaj:

Nëse fëmija juaj ka probleme me mëlçinë ose veshkat.
Nëse fëmija juaj po trajtohet gjatë kësaj kohe me barna ose suplemente të tjera.
Nëse simptomat vazhdojnë pas 3 ditësh nga marrja e Daleron.

Informacione të tjera

Mbajeni këtë bar larg fëmijëve.

Mos e përdorni këtë bar pas datës së skadencës e cila është e stampuar në shishe dhe në kutinë e kartonit.

Data e skadencës i referohet ditës së fundit të atij muaji.

Të mos ruhet mbi 30°C.

Pas hapjes fillestare, shurupi është i përshtatshëm të përdoret për 3 muaj.

Përbërësit

Lënda aktive: Paracetamol.
5 ml shurup përmban 120 mg paracetamol
Përbërësit e tjerë janë: Sorbitol (E420), glicerinë (E422), gomë ksantan (E415), maltilol (E965), celulozë mikrokristaline (E460), karamel natriumi (E466), benzoat natriumi (E211), acid citik (E330), aromë ananasi, riboflavin (E101) dhe Ujë i Purifikuar.

Logohu

Nuk keni llogari ?

Shporta

DALERON 120 MG/5 ML SHURUP - 100 ML